酷爱轩

　　2008103120:30.广州体育馆.张敬轩酷爱广州演唱会.
　　七年,张敬轩噶梦想终于成真!
　　好幸运,自己来左.收获到好多好多惊喜同感动.
　　轩仔噶歌,带俾我好多高中时代,十几岁,带住好多梦想噶回忆.
　　果时对他可能仅仅是欣赏,带小小喜欢.
　　肯定他的音乐才华同歌唱实力.
　　今晚见到他真人演出之后，果种欣赏实在无法不去到中意噶程度.
　　好多好多画面，真是令我好好好中意.
　　印象最深噶一滴画面:
　　一个是他唱左几首比较新噶歌之后,过度旧歌果段:＂四月系红馆噶演唱会,好多朋友问,嘿,点解你好多好好听噶旧歌,都唔见你唱噶?其实,我是留翻翻来广州唱噶!＂听落真是好亲切好感动,身边噶歌手,就是有好朋友噶感觉.
　　一个是他跳舞跳到成面都是汗,化妆师帮他补妆噶时候，他话:我滴汗流到,妆都溶晒,今晚仲要是万圣节添,吓亲大家,真是晤好意思.＂我真是笑得好开心.
　　一个是他介绍完乐队之后,果下劲爆噶＂抬头望 我要踏上我路 我要为我自豪 我要摘星不做俘虏......＂DANNY噶<摘星>重现人间,俨然一个天皇巨星噶风采.灯光效果同他噶音乐表现力融合一起,再加上他一直好勤力去实现梦想噶情愫,广州人噶骄傲,已经晤使讲.
　　一个是他ENCORE阶段,由于小部分人在他讲拜拜后,已经离场,我就从上高走左落去，好近甘望到他.更亲切,好开心好兴奋.他讲到:＂今日是我爸爸妈妈结婚三十周年纪念......最近见到好多朋友,离离合合,我觉得好心痛,我希望在座噶情侣,拖紧对方只手,无论遇到咩困难，好好珍惜,好好行落去......＂他讲呢段说话噶时候，把声已经沙晒,他唱足三个钟了，而且都是高水准高难度噶歌,我都真是心痛啦.应承你,等我遇到我真是中意而又拖住我手噶人,我一定会好好爱下去.而呢个，亦都是我一直以来噶心愿.
　　轩仔,我仲要好多谢你带左王菀之来,我真是好中意她!
　　多谢你啊,我都是第一次见阿之真人同演出,你同她歌声同台,真是人生一大享受.
　　阿之真是好得意,不过我发觉她讲野噶语调真是成熟左啊.
　　轩仔,多谢你俾我重温我噶梦,你真是实现左我内心最渴望噶舞台梦想.
　　可惜,我晤可以.
　　我噶人生,晤可以甘行.亦都无可能甘样.
　　不过，我从来无忘记自己噶梦想.
　　从十几岁开始...
　　是呢,我已经好耐无尽情甘去唱一D甘高水准高难度噶音乐作品了.
　　因为呢两年,我做左老师了.
　　要上课,就要牺牲好多野,包括对于我来讲好重要的声线.
　　我已经好小心好小心.好多好多次,我发觉自己,好似唔可以再好似以前甘唱歌.
　　有时真是好失落.
　　但是,生命中，要割舍的,又岂只若些.
　　所以你今晚噶演出,真是令我感触好大,稳翻好多野.好想唱歌.
　　多谢你,系我看过噶演唱会中,你噶音色,是最正噶,仲有王菀之,两只歌我已经好满足:)