情人节寒假终结

　　今日系西方情人节，二月十四 如我所料地我过上我第十九个无情人节，唉
　　今日翻过五中打波，五中D人劲左，我地BOYS开始未必可以稳阵扫场，睇住呢个事实，好感慨，林起一句耳熟能详噶话＂桃花依旧，人面全非＂岩岩好！形容呢个情人节……
　　记得上年情人节，我地系系课室渡过噶，晚修个时个个系度玩，顷D关于感情噶野，因为个时个个都系单身（唔包括李志鸿，不过都无咩分别），所以都无咩所谓，大家晚修之后仲一齐踩车走添，林林下，除左前年噶情人节之外，呢个都算系过得最开心咖啦
　　讲翻今年，BOYS继续好似上年甘出现系球场上，不过唔同噶系，只剩翻最无出色噶三个——我就最失败啦 ，仲有恢复自由身几个月噶李志鸿，＂专心＂重读噶许靖……其他两个？拍拖噜 虽然都系呢个来月噶事，但系都系热恋期，如火如荼：
　　猪排终于得偿所愿搞掂左伽利略，虽然距地一个时间唔多（要翻北京），一个唔肯罗时间出来（家庭同事业心重于爱情），前个排有D危机，但系点讲都好，自己拣噶，自己中意噶，有时就系需要自己迁就同埋为之改变，边个都有自己噶难处，比自己开心D，唔好比自己第日后悔就系啦
　　BT，点讲呢……总算稳到一个自己中意而又中意自己噶女仔，但系……相信系同距预想或者理想中噶爱情有所出入，唉，衣家都好难判定个个女仔系米岩距，但系可以肯定噶系，个个系一个脆弱噶女仔，唔同平时我地接触噶人，距受过好多伤，既然已经领到人地对距有意，就应该全心全意去对待，唔好再比距伤心，两个人系一齐，如果真系想开开心心，系需要彼此协调噶，无人会完全迎合自己噶口味，判断夹唔夹，我觉得应该睇噶系你地系一齐系米真系开心，系米真系可以将自己完完全全甘交托比对方依靠对方，咩都有矛盾，呢个系一定噶，所以学识协调系好重要噶，而系米值得为对方改变，睇自己感觉啦
　　系度想讲几句：可以同中意噶人系一齐，系意见好幸福噶事，如果你真系可以，应该全心全意去对对方好，想办法领到对方开心，当然前提系你自己系心甘情愿噶，都系开心咖啦，呢D野都系应该自己亲力亲为噶，有时D感情噶小问题都系，唔好怨呢样怨个样，亦都唔好气馁，因为你一日唔自己面对解决，一日都系感情上独立悟到，经验系靠自己累积噶！爱需要付出，无论系金钱，力量，耐性，心思，如果你真系爱对方，甘应该唔觉得辛苦噶，因为爱就系最大噶动力……
　　近排值得一题仲有孔霈霖，距衣家周旋系两个女仔之间，一个系距以前GF（简称S），一个系距前GF噶F（简称L），一个想继续一段无名分噶爱，即系唔想有咩负担，一个有左BF，想同孔若即若离。两个女仔本来系好朋友，衣家有DD隔膜……反而孔霈霖就几ENJOY衣家三个人噶关系……唉，都唔知点讲句好，总算系孺子可教啦 醒目仔！不过最紧要系自己开心，可以噶话尽量唔好伤害人啦……（得闲当下自己老师傅感觉都几好……嘻嘻）
　　寻晚同熙通过电话，距衣家同BF分左班，其实只系上下楼，但距话觉得咩都唔同晒，话有种得而复失噶感觉（距希望自己BF可以时时刻刻系身边），仲话我唔理解距衣家噶痛苦……其实我点会唔知，得而复失……对你，何尝唔系甘………………唉，对你噶感觉，系度都唔使讲甘多啦，送上一首歌词，表达下自己心意心情啦
　　歌曲：真的
　　歌手：张韶涵 专辑：潘朵拉
　　我努力的仰着脸孔
　　试着眼泪不往下流
　　别往下流
　　不安的感觉到什么
　　在我生活中不再相同
　　很不相同
　　想要说
　　却还沉默
　　伸出手
　　无法触碰
　　天空突然一片辽阔
　　原来你是真的已经离开我
　　在我不熟悉的世界过新的生活
　　闭上眼让泪水滑落
　　此刻你已真的永远离开我
　　在另外一个没有我的世界
　　自由的走
　　就快到十二点，今年情人节就甘玩完，寒假亦都就甘88……无咩收获，有D落寞 希望今年会开心D啦