利是錢啊錢啊錢

　　經過琴日辛勤嘅努力同啱先認真嘅核對 終於計算出我今年嘅利是錢有幾多喇
　　由於我擁有傳統嘅過年習慣，SO我系過咗十五先開利是嘅
　　不過點都霖唔到今年 金融海嘯 ，利是錢竟然比上年多出 2-3個百分點
　　就連阿媽都估唔到今年我收到嘅100會有 Ⅸ 張
　　因為今年我地都有好多地方無去到拜年，依個微升都可以算系好架喇
　　而且系初三果日單日計算就有Ⅵ蚊，更 創歷史同期新高
　　當日一早我地去咗東方賓館飲茶，就系果度已經完成佐 當日總額嘅66.67% （一共6封）
　　走果時啊媽仲話某阿姨：＂封利是越整越大，不過唔緊要啦佢穩倒＂
　　(注：人地個個先比 Ⅴ*Ⅹ蚊封，佢就Ⅹ*Ⅹ蚊封)
　　其實據我所知當日幾個叔叔阿姨都系大老細，最有米嘅就一定唔系佢，不過佢今年又真系穩倒噶
　　但系咁樣好易搞壞個市架，如果下年佢唔系比咁多，身為受益人嘅我絕對傷心啊
　　跟住由初四開始直到初六我都無出到去拜年，因為爛嘴角
　　不過好彩d利是都照收不誤，而且初四收翻黎嘅都有初三嘅50%
　　初五初六阿媽翻佢鄉下，收翻黎嘅全部都系Ⅴ蚊
　　初七果日一早就去佐中山玩，跟住夜晚翻黎同阿爺食飯
　　然後到十二阿爺就拉大隊叫我地翻鄉下祭祖，不過果日都無咩利是架喇又都系Ⅴ蚊嘅
　　到十四系個叔公生日，過咗五山果邊間＂王府天廚＂食飯 果日收佐幾封
　　不過我點都霖唔到幾乎都系5蚊封，出佐叔公個仔比嘅系10蚊之外
　　就年果個嫁佐老豆即刻退休嘅表姐都系比5蚊，自己都覺得難睇啦
　　（當年擺酒仲系要63層，擺佐唔記得幾十圍啊）
　　琴晚同阿媽講起今年有幾多利是，跟住阿媽話就系佢封出去都幾千喇
　　然後我話阿媽：＂明知佢地系咪都比5蚊封我地點解年年都要比10蚊封佢地呢？＂
　　媽媽話：＂咁佢地家庭狀況唔好＂霖霖下又講多句＂d退休工人反而比10蚊喔＂
　　我就話：＂咁未系咯，下年全部比佢地5蚊封＂阿爸系后面一路聽住唔出聲
　　不過我都知阿爸霖咩噶~~~5蚊一封又真系唔多好睇，但我地又唔系有幾百萬身家，仲乜一定要個個都比咁多
　　同自己親d果群比的夠好睇就得啦~~~~
　　講真就連d唔熟嘅朋友我地最小都10蚊封啦 有咩理由親戚都比5蚊我知佢地生活可能困難d
　　但系一句都尾都系覺得果個表姐唔識做，所以決定下年慫恿阿媽比d5蚊佢地
　　其實每年我都有幫我表弟釗釗收埋利是架，雖然唔多但系都有百幾蚊夠我出一次街喇
　　平時見到佢咁拽，真系想唔比佢，不過細路籽一個就算啦！經常覺得佢分薄我d利是啊
　　好啦最後············應該到講大家最關心嘅問題——到底我有幾多利是喇
　　除去阿爸阿媽果兩封我嘅利是錢繫有  ⅡⅥⅢ0   唔算多唔算小大家睇量下
　　講明先我系唔會用利是錢請食飯之類嘅嘢，果d只會用平時嘅零用，利是錢系要黎存嘅