赌王三房千金何超莲因为要陪伴男友窦骁,留喺内地时间多过喺香港,而佢妈咪三太陈婉珍早前就到上海探佢,超莲喺个人短片频道Post一条短片,纪录同阿妈喺上海吃喝玩乐嘅点滴,超莲话:"今天是我亲爱的母亲最后一顿在上海吃的饭。"镜头一转就影住三太同亲友食紧饭,只见三太素颜现身、穿上短袖Tee配长裤,正在品尝美食,即被网民赞非常贴地。 当三太发现超莲影佢时,即时耍手话:"唔好影我啦。"超莲即笠水:"好的,又被骂了。"但佢最后都出卖阿妈,将片段公开。食饱饱后,一行人坐车离开,超莲送阿妈走,由窦骁负责做司机,期间超莲问阿妈两星期嘅上海之旅点样,三太话:"几好!"超莲再问:"何太,就嚟见到你啲猫喇,有咩感想?"三太即表示:"好开心。