艺人林峯早前带埋老婆张馨月返家乡厦门探亲,其实今次囡囡"格格"都有同行,呢日佢哋就一家三口去到海边散步,享受天伦乐。张馨月于社交网大晒多张靓相,见佢哋两公婆轮流推住BB车,带住"囡囡"四周探索,期间林峯仲同囡囡手拖住手,果然系"前世情人",相当甜蜜。至于张馨月就全程担任摄影师,记录老公同囡囡嘅相处点滴,虽然佢哋未有正面全家幅,但其中一张相,见佢哋两公婆一人一只手一齐推住BB车,画面一样咁温馨。