唔做是非精!冯盈盈洗底学呢样嘢做气质女陈庭欣宠物界做KOL
唔做是非精!冯盈盈洗底学呢样嘢做气质女;陈庭欣进军宠物界做KOL:想建立自己品牌!
冯盈盈、陈庭欣、游嘉欣及谢嘉怡等昨日现身电视城出席银行产品活动。一向敢作敢为、是非多多的冯盈盈为戒绝杂乱思緖,出席活动时她透露自己趁未开新剧,竟跑了去学刺绣,目前正绣水仙花手帕,打算送给妈妈作为礼物。谈到目前的刺绣成绩,她笑谓:"以前学校有针黹堂,不过我完全唔记得晒,所以依家要睇片去学穿针。其实刺绣布有图案畀我跟住,但都试过刺错晒,要拆咗佢从头再嚟过,希望迟啲成功,可以绣出自己个名。"她笑言希望这段时间除针黹外也画画,培养出自己的艺术细胞,兼且练习心静。
游嘉欣天生悭妹性格,由中学开始学习储蓄,至今已起码储得6位数,问到打算用来作甚么用途,她腼腆谓:"冇呀,净系想储。(打算用嚟结婚?)姑婆本呀。(冇人追?)你(记者)有冇好介绍?"
谈到即将到手的5000元消费券嘉欣笑谓:"可能用嚟买衫,可以买好多㗎嘞。(近排有乜忙?)减肥,都知道畀人话好肿,所以要积极啲。依家未有工作就操弗啲,准备随时迎接新挑战!"
陈庭欣(Toby)昨日出席银行产品活动。谈到她进军"宠物界KOL",认识不少相关方面的猛人,更帮《东张西望》拍档潘梓锋的爱犬脚伤提供协助,她开心表示:"都有啲朋友主动嚟求助,以前多人问雀嘅嘢,依家大家开始将重心移向犬只,帮到人好开心。我开设相关频道,其实系想带正出正面讯息畀大家,当然都想迟啲会建立到自己嘅品牌。"
由于早前已尝试营运宠物市集,她表示8月获邀于机场附近再参展:"今次大型啲,上次搞完活动,我嘅频道多咗800个粉丝,但如果要开Live就要起码储到1千人。依家发觉原来网上好多限制,希望大家多多支持。(攞到消费券会点用?)投资频道,因为好多嘢都需要经费。"她又透露稍后会安排自己的爱犬做绝育手术:"谂紧边个带佢去,男朋友或者搵朋友帮手,我惊如果我带佢去,佢会记仇呀。"
转自看港剧,侵删。