抄袭死因有可疑?张建声唔敢同方力申斗
抄袭《死因有可疑》?张建声唔敢同方力申斗
艺人张建声、谈善言(阿谈)、陈凯咏、顾定轩、陈海宁(Dee姐)、欧镇灏、黄溢濠等昨日齐集为ViuTV下周一(14日)播出的新综艺节目《嫌疑事件簿》宣传。其中张建声及阿谈是首次捞过界参与综艺,笑言将"第一次"奉献给节目组。节目内众人将透过"实境动作角色扮演"的游戏方式缉凶,张建声表示此游戏玩法早已于外国流行,不过他只是首次接触,拍摄初起都要慢慢摸索,到后期直头豁出去以玩为主。
讲到与无綫同日及同时段,晚上十时半启播的节目《死因有可疑》撞题材,他愕然反问:"有呢样嘢咩?"阿谈就拧头表示不清楚,张建声续谓:"2个节目都精彩咪得啰!何必比较呢?最紧要观众睇得开心、演员玩得开心,同最紧要有得拣!"再提及有网民指无綫早在上月尾公布有新节目《死》,惟ViuTV今日才正式宣传,惹来抄袭无綫的疑云,阿谈即澄清:"我哋系喺3月头开始拍,上2个星期先拍晒。"张建声接说:"抄袭呢样嘢我哋冇研究、考究,亦冇问创作团队,只系做自己份内事。(你哋有咩优胜之处?)Sell经验!同埋我哋有班好有热诚嘅新演员,Show到佢哋认真嘅一面,有戏剧、综艺元素。"而阿谈大赞节目赢"即兴":"好多嘢都好即时、即兴,有共同创作,会畀到观众惊喜。"
对于有网民食住花生指张建声恶斗《死》的主持人方力申,张建声闻言笑谓:"我点敢呀?我又唔识游水!小方游得咁快,你话我增肥就叻啫!冇得斗,唔使斗,各有各嘅,最紧要开开心心。"又大方谓会收睇对家节目,互相研究,阿谈亦表示会留意:"睇吓对方嘅优势,咁先会进步!"
转自看港剧,侵删。