孖孟瑶玩火辣一字马张嘉儿传授岑杏贤佗B心得
孖孟瑶玩火辣一字马 张嘉儿传授岑杏贤佗B心得
陈爽(左起)、张美妮、张嘉儿及孟瑶
张嘉儿、孟瑶、陈爽及张美妮4位人妻昨晚现身无綫节目《开心大综艺》,以"辣妻团"姿态压轴上阵,"队服"清一色是闪石战衣配超短热裤,露腰骚腿,劲歌热舞,非常吸睛,当中嘉儿及孟瑶更施展火辣版"凌空一字马","舞功"强劲,完成演出后,还获仔女们上台送礼物,场面温馨。
表演前嘉儿坦言紧张,事关一向没有跳舞底子的她只得5日彩排,又惊甩拍子,今次绝对是强化心灵的训练,幸而获老公专程带囡囡现身捧场打气 ,令她相当窝心。
谈到好友岑杏贤趁母亲节宣布怀孕5个月,嘉儿坦言:"作为好朋友,我梗系一早知啦,但要帮佢保守秘密,等佢一切稳定先。(传授佗B心得?)有呀,我同老公约咗佢,以及佢老公出嚟,畀咗好多资料佢,好戥佢开心。(佢身体状况点?)好好呀,身材仲好弗,之前有孕吐嘅,依家ok嘅。"她笑言老友怀孕,搞到自己心郁郁想生第3个:"不过我又想留番啲时间畀老公,依家考虑紧。(老公呢?)佢都系交畀我话事。(收到咩母亲节礼物?)老公提前送咗花,囡囡画咗啲嘢畀我,我叫佢哋唔好嘥钱。"
另外,离了婚的孟瑶原来已觅得第2春,男友是在港生活的内地商人,恋人关系已有1年,感情渐见稳定,但暂时未有再婚打算。问到囝囝情况,她答:"喺北京返紧学。我旧年净系隔离都4次,几乎搞到有抑鬱症。"
转自看港剧