强尼曾熬不住做回建筑师，48岁才走红性格幼稚所以迟来有好处

　　由ViuTV冒起，到MIRROR、ERROR、及节目《自肥企画》的成功，强尼说他们标志着娱乐圈，有无限可能性，再不是只得一条成功方程式。「ViuTV已经系一个可能性，MIRROR同ERROR系一个可能性，往后可能好多艺员同事都会有无限可能性，唔一定要好似以前嗰种模式，要做一件咩嘢事，或者拍一套台庆剧，然后受欢迎，攞咗视帝，然后先至有咩嘢回报，而家唔需要咁样。我哋公司的幕后，超过十万followers！呢件事值得开心慨系，唔系单单因为ViuTV可以做到，而系觉得我哋慨行业好有希望。」
　　同样18年前，他给自己发掘另一个可能性，才有今天被网民封为「全尼」慨强尼。那年，30岁，有家室，却毅然放弃高薪厚职的工程师，转行入电视台做足球评述员。然后主持、40多岁做演员，演得唱得主持执生了得。他的「造星路」，正正代表，每个人都有无限的可能。
　　其实早在青葱岁月，他已遇上「造星」可能性。那年20岁，是城市大学土木工程系学生，亦是校际歌唱比赛的常客，曾蝉联两届冠军，遇过对手有林一峰。一次大专联校比赛，他以张学友歌曲《怎么舍得你》胜出，被SONY唱片公司睇中邀请试音，当日到录音室，召见的是唱片监制张佳添，当时唱片公司正为新组合，即是现今称之为的男团，物色人选。
　　「对方话初步想做一个组合，有啲dancer、有啲rapper、有唱歌慨人，然后谂住安排我同区永权负责唱歌部分，其实只系一个好初步慨概念，我哋上去慨时候都唔知详情，完成试音行出录音室，倾咗半个钟左右，然后就好似见工咁，叫我哋返去等通知，无话一定会请你。
　　正常谂法觉得渠应该系见一百个人，所以唔系一下子就拣中你，只不过咁啱我哋两个都参加咗比赛。正如我哋所想，见完嗰日之后就再无任何消息。」在四大唱片公司试音无回音，他有否誓入乐坛的心志，继续向其他叩门？
　　强尼提高声线:「当然唔会啦，都唔系嗰种水平。我谂九十年代同千禧年代慨艺人唔同慨系，而家慨艺人会好贴近你身边，以前慨艺人系明星，然后会问自己系唔系明星？我绝对唔觉得自己系明星嗰种人，根本无可能，因为都会照镜嘛！又唔系靓仔，点会系嗰种明星。」
　　强尼话由参加比赛到试音，纯粹当玩，明星梦，从来冇发过。
　　「我只系钟意唱歌，但无谂过变成一个同我有关慨职业。同埋当时个年纪，唔识得load件事，谂唔到成功咗之后会要点样。」
　　如果当年有《全民造星》，问他会否报名参加？
　　「肯定唔会，嗰个年纪一定唔会，觉得同自己无关，所以从来都只系得一个谂法，就系大学毕业后，读边一科就做番相关职业。」他说，从不后悔年轻没抓紧入娱乐圈良机。
　　直到30出头，若非突然一个转念，强尼预计到，他在建筑界，继续大好前途，升职加薪。到底什么驱使这位有家室的中佬求变，离开comfort zone。
　　「当经过一段理所当然慨时间，有日突然问自己，系咪喺呢行仲要做多三十几年，当我六十岁退休，系咪未来三十年一定要做呢份工？咁啱见到电视台请人，就问吓自己想唔想尝试，又系嗰种心态，觉得寄信去试吓都无坏。
　　然后电视台叫我去面试，咁咪见吓啰；之后叫我去做，咁咪做吓啰；的确真系咁样开始慨事，而唔系立心要喺电视行业创一番天地，真系冇呢个谂法。」父亲许祖贤，是流甲流浪球员，流住足球热血的强尼，不做球员，也想成为足球评述员，总之趁仍热血之时，拒绝刻板生活。
　　再唔转行，怕自己人生建立更多，就再无冒险的勇气。
　　「当时觉得三十岁，睇自己会唔会标尾会，觉得三十岁都唔试，就以后都唔使试。」看似勇字当头，但其实有工程师思维的他，一切都经过理性分析，就算改变，也评估过如何将风险减至最低。
　　「我慨思想，你可以话系一板一眼，所有事情都会分析思考，呢个确实系我由细到大慨思考模式，会比较理性、有系统，较少用情感去做决定。」
　　工程师强尼条数是这样算，尝试另一个可能性，哪怕失败，手执专业资格，随时重返老本行，所以他为自己任性，set了一个期限。
　　「三年，同自己讲去尝试三年，如果三年后仍然能够维生，到时候先再考虑。三年后如果人工好低的话就唔做电视台。」
　　在有线电视头三年讲波生涯，粥多僧少，总算搵到食。但相对过往稳定收入，打电视台工，一定冇乜安全感。「一定唔会有安全感，这行点会有！呢个系我慨缺点，唔识得谂，当时已经三十几岁，识谂慨梗系觉得要有层楼、投资股票，社会上其他人觉得步向成功就系要咁样，但我竟走去做呢啲工作！有人会质疑:『你系咪得㗎？』所以当时都有好多人问我真是那样？」
　　亲友质疑，反而父母没反对，任秘书的太太亦冇异议。「两个人结婚后，有啲价值观会变得一致慨！同埋当时大家都年轻，只系三十岁左右，正常呢个年纪慨人点会谂得太远，直头觉得唔需要谂得太远，因为唔得慨话，咪两年后搵另一份工作啰。如果唔转行，其实都可能会转工，我觉得当时慨社会环境真系无而家咁艰难。」
　　在有线讲波，半只脚入咗娱乐圈，当时有想过再扩大自己可能性？效仿前辈阿叔林尚义，评述员踩过界，做埋影星？
　　「对于我嚟讲，我哋行业中，阿叔只得一个，唔会有第二个好似佢咁，讲说话都咁有权威，然后可以喺《古惑仔》入面饰演神父！大家慨距离好遥远，亦唔觉得行业需要有多一个阿叔出嚟去拍戏，无呢个必要，要搵慨话，直接搵阿叔就可以。」
　　讲波生涯安守本份，直至第十个年头，再次出现变数，但那次变已不由他掌握。
　　「当时整个讲波行业都萎缩紧，以前一场比赛两个人评述，有啲大赛甚至夸张到三个人评述，然后缩到一个人，甚至有啲比赛无人评述。」
　　行业由盛变衰，工作量减，对他转行从无质疑的老婆，终于开口问:「渠有问过我系咪继续咁样先？打算再做讲波工作几耐？呢十几年佢唔系好多次提出呢啲问题。
　　其实我内心都有问过自己，有时候人就系好衰，会逃避，唔烧到埋身咪做住先啰，仲有份约就做住先，但你估自己唔知道少咗咩，其实系知慨。」
　　收入少了，儿子傲乔已出世，为了家庭，他唯有重返老本行。不过时化变迁，他发现重操故业，己非他想像中易。
　　30岁跳出去「历险」，跳返入建筑圈子，已经42岁。
　　「离开十几年之后再重操故业，当中有几种压力，第一系无咁上手，真系做得无咁好。第二，离开咁耐再pick up番，对方预你一埋位就应付到，唔会迁就你，然后有啲人知道你系边个，因为有睇波，所以压力会再大啲。唔系因为曾经做过幕前，觉得再打工会俾人一种奇怪感觉，唔系咁样！而是其他人知道你有另一种身份后，会更加留意你。当年纪愈大，而喺行业慨能力唔符合他人预期时，自然就会有压力，加上已经习惯电视台比较自由慨工作模式，嗰一年慨压力的确好大。」
　　于是他再问自己一次。「后来谂不如试多一次，因为已经清楚自己，原来真系比较钟意做电视岗位。虽然当时系好彷徨，但仍有一个想法，就系今次系畀自己最后机会，唔得的话就真系叠埋心水，重新pick up建筑工作，因为专心的话，点都会pick up到。」
　　给自己最后机会，就要去得更尽，约满有线转投NowTV，继而成为Viu的旗下艺人，结果成为强尼通往全尼的道路。
　　「当时年纪开始大，再唔系好似三十岁时嗰种无忧无虑，要谂多啲将来同屋企。」在给自己最后机会，他不再只是做好份工的心态，而是希望做到受欢迎！「点解想受欢迎？因为受欢迎可以搵多啲钱，然后可以为屋企带嚟更好慨生活，真系有呢个谂法。但我又唔会为咗要受欢迎，而去做一啲事情，仍然好随心去工作，只不过内心会谂，如果受欢迎就好喇，可以搵多啲钱，屋企就可以好啲。」
　　十几年打滚，令这位前身工程师最大的改变，就是不再事事分析计算。
　　「我谂我慨性格都系有啲幼稚，必须要承认，我都唔怕用呢啲字眼，就系幼稚慨人思想会比较天真。当然好多事情我都会分析，但归根究底，都系先做好工作，唔好谂太多，因为一计算就会错，呢个系转演艺工作后，慢慢改变慨思维。」
　　他在Viu四年，头两年，收入与观众一样，不太多！「如果用钱去衡量，当时收入的确唔多，但嗰种快乐好大，工作满足感好大，每日都在愉快中度过。
　　加入ViuTV之后好开心，每一日的工作都系新鲜刺激，好新奇、好有活力。」最开心，还是见证这间电视台，捧出偶像明星，还整个娱乐行业一个生机。
　　公司强起来，而他，48岁开始受欢迎，强尼-----全尼----觉唔觉得成名有啲「迟尼」！
　　「迟嚟又迟嚟慨好处，早嚟又会戥渠开心，但要识处理先得。都系嗰一句，命运点样安排俾你，就舒舒服服去接受，呢十几年我学识同个状态共处，好重要。点解我话好相信命运，因为喺嗰个(廿岁)年纪，可能喺我身上，唔应该有呢件事(艺人)发生，可能发生都系害咗我。如果二十岁时去试音，成为歌手，我当时为人唔系而家咁样，可能两年后已经做唔到，唔知到时候会点样，会郁郁不欢？我唔知道。反而好似而家咁，一点一滴去行，对我嚟讲系好舒服好开心。」
　　原名许博文的强尼，洋名Johnny，转行上班第一日，首要任务，谂个艺名，即时生效。
　　「当时要即晚交个名，第一日返工，因为要key名，唔会用正式全名，然后叫我谂一个名。我心谂以后都会用呢个名，应该改咩嘢好呢？又唔系好想叫自己做阿文，因为太普通，觉得其他人唔会记得你，不过又唔系雕龙雕凤，多数都系由英文名转过嚟，我记得当时睇一套戏叫《绝世好Bra》，刘青云慨角色就系叫强尼，我先至pop up到，Johnny就系强尼，又唔系尊尼，就不如叫强尼啦！然后就交咗呢个名。过程好快，只系一个钟头内发生慨事，入行返工第一日就即刻改个艺名。」