考虑雪卵?胡定欣搵另一半要睇呢样嘢 胡定欣昨日到场贺马德钟太太张筱兰推出新书,问到她为何没有上台作分享?她说因为自己不是素食者,但于短短2小时内的分享会中获益良多,更对茹素产生兴趣:"嚟紧自己都40岁,细细个对健康嘅认知唔多,锺意食咩就食咩,但依家会注意多啲健康,亦都想透过艺人呢个身份,同啲年轻一代分享健康嘅重要性。" 问到可有饮食方面的坏习惯?她笑言不好煎炸食品,但锺意食零食:"食煎炸嘢会影响皮肤,尤其开工嘅时候一定唔食,但本身锺意食零食,所以每次行超市都尽量避开零食区。平时都锺意同朋友摸吓酒杯底,不过会提醒自己唔可以过量,通常一班朋友食饭开心先会饮少少。" 讲到她近日去好友陈豪间咖啡店学冲手工咖啡,她说是新兴趣:"去内地拍《白色强人II》嘅时候要隔离2个星期,冇嘢做就上网自学冲手工咖啡,拍嗰阵又同陈豪交流,返嚟就拜师学艺。"冇留时间搵男友?她说顺其自然:"要有健康嘅身体先可以做其他事。(趁身体状况好考虑雪卵?)呢啲又系另一样嘢,暂时未有打算,都系交番畀我自己处理啦!" 转自看港剧