点评女拍档赞宣萱伟大!欧阳震华无奈冇得演反派
点评女拍档赞宣萱伟大!欧阳震华无奈冇得演反派
纵横电视圈多年的视帝欧阳震华(Bobby)暌违4年再度拍摄无綫剧集《伙记办大事》,发挥独特的幽默本色。他饰演交通意外调查组总督察,笑言最难适应是要穿白恤衫拍摄:"你知我个身形,件白恤衫冇遮冇掩,所以我点都拎住个File遮住,开拍后我就极速收身,令观众对眼睛唔会咁受虐待,恤衫粒钮都平顺啲。"他自爆曾向监制提议跟马德钟交换角色,饰演亦正亦邪的律师,并自言担任主角以来从未做过反派,他无奈地说:"可能我个样太善良,冇人够胆畀我试,我心目中嘅反派唔系无啦啦攞张刀去乱咁拮人,或者一味做个乞人憎嘅样出嚟,而系要有故事嘅一个人物,呢啲可遇不可求。"
新剧反应不俗,向来有"收视福将"之称的他对此美誉欣然接受:"咁呢个系事实,多谢大家畀呢个名我,好过赞我靓仔,喺无綫我叫续集王。"面对新人辈出,问到会否担心难以吸纳新一代观众,他豁达表示:"随缘,佢哋连四大天王都唔识,咁我仲未退休,仲可以拍落去,观众眼光系雪亮,十几岁都识睇戏,佢觉得呢个人啲戏好睇自然会睇。"
另外,讲到合作过的女拍档,他以"监护人"来形容新剧对手万绮雯:"系佢先搞得掂我,因为我好容易扭计,佢会叫我老爷、会凼我。"他又点名赞扬宣萱:"我叫佢做乜都肯制,佢真系好伟大,佢知我系为咗个效果,可以畀我含啖水去喷佢,第一次系《美味天王》,第二次系《赌场风云》。"至于关咏荷,他称2人是梦幻组合:"佢老公张家辉同我讲:‘结婚初期好多人都以为你先系佢老公!’"
虽然Bobby合作过的女星无数,但多年来保时零绯闻纪录,问到是否因为少拍亲热场面?他坦言向来讨厌拍亲热戏,但也不乏接吻戏:"同陈秀雯有Kiss戏,我惊过佢,佢食素,我怕佢Feel到我啲肉味会呕。我同关咏荷拍接吻戏时,佢一路拍一路讲嘢,佢话个嘴郁住会自然啲喎!同蔡少芬拍,剧本话要拥吻,我话我啲轮廓拍拥吻好肉酸,扁口扁面,最多锡你额头同脸珠。"
转自看港剧